Það er logn á Íslandi. Börnin úti í garði, alsæl. Ég að taka upp úr blessuðum töskunum og stússast í að skipuleggja mig. Ég svaf hrikalega illa í nótt, en ég er ekki frá því að það gerist næstum alltaf fyrstu nóttina mína á Íslandi. Blanda af ofþreytu og spenningi kryddað af örlítið of mikilli birtu.
Í dag verður það sundferð í Mosfellsbæjarlaug einhvern tímann í eftirmiðdaginn og síðan Rauðhettta í Elliðaárdalnum klukkan 18.
Að lokum lambalundir og meððí í kvöld með öllum afkomendum foreldra minna og fylgifiskum, fyrir utan minn franska sem var skilinn eftir í vinnu úti í Frakklandi. Þau eðalhjón eiga hvorki meira né minna en 42ja ára brúðkaupsafmæli í dag.
Hvernig líst fólki á að hittast á mánudagskvöld á einhverjum góðum stað, hvað heitir staðurinn frá því síðast?
Lifið í friði.
Til hamingju með foreldrana!
Ég reikna ekki með því að vera í bænum á mánudagskvöldið, er bundin yfir unglingnum sem aftur er bundinn í vinnu…
Mánudagurinn hentar fínt og Babalú heitir staðurinn.
Er það ekki barasta málið, Hildigunnur?
Mig langar afar mikið að kíkja á þig en er mjög óviss með stundaskrá mánudagsins, þetta er svo margt fólk sem verið er að samstilla hjá mér. Hvaða tímasetningu er verið að hugsa um?
Neglum þetta – er það ekki? Engin mótmæli. Ella, eitthvað sem hentar þér betur en verr?
Tja, held að sunnudagur sé rólegur hjá mér að mestu leyti en það gengur varla að eltast við allt.
ég fylgist með og langar að koma, held að mánudagur sé í góðu lagi (en er að vinna alla daga til amk 4)
Ég var meira að hugsa um að kvöldi til, jafnvel bara eftir kvöldmatinn, um áttaleytið. Hvað segir fólk um það?
Og Harpa, takk fyrir kveðjuna, ég sé til hvort ég geti kíkt við hjá þér á leiðinni austur í lok júlí. Ég hét á þig í vor!
Þú mátt alveg líta við í Mosó og sækja þér bók eða bækur ef þig vantar e-ð að lesa. Á nokkrar kiljur aukreitis sem ég geymi einmitt sérstaklega fyrir dömur frá París. Og hver veit nema ég eigi líka kaffi. Er bissí á laugardag, en laus flesta daga aðra. Hringdu bara á undan þér, svo þú farir örugglega ekki fýluferð – og börn eru að sjálfsögðu velkomin, hér um slóðir er nóg pláss til að ærslast og fullt af köttum…
Kúl, mondei it is.
Verið alla vega velkomin – Sjáumst í Babalú eða annarsstaðar.
Ævar Örn, takk takk. Ég var einmitt að ljúka við eina helvíti góða (þá nýjustu) sem ég splæsti m.a.s. í, þvert á vanann. En kaffi væri vel þegið og kannski mig vanti einhverjar kiljur í safnið?
Við sjáumst fljótt AP. Og þið hin alla vega á mánudag. Eigum við að negla kl. 20?
Og þeir sem ég hef ekki svarað í tölvupósti, þið verðið að sýna smá biðlund, ég er mjög upptekin kona.
Hvenær eru tónleikarnir?
Heyrðu, það eru víst allir salir uppbókaðir í júlí. En ég kem með úkúlele á babalú og leyfi þér að prófa.
Sunnudagur er ekki góður fyrir mig, sorrí Ella. Áttaleytið á mánudag hljómar bara fínt.
Þá reyni ég að mæta.