Kristín Jónsdóttir býr í Frakklandi ásamt eiginmanni og tveimur börnum. Hún hefur aðlagast lífinu sem nýbúi vel og hefur aðaltekjur sínar af því að sýna löndum sínum París og er orðin Íslendingum kunn undir nafninu Parísardaman.
Vefur hennar um París er fullur af fróðleik og hagnýtum upplýsingum fyrir væntanlega ferðalanga en þessa síðu notar hún svo til að vera í sambandi við vini og kunningja og fær hér útrás fyrir eilífa þörf fyrir að blaðra um allt og ekkert, heima og geima, stjórn-, einka- og tungumál.
Er það ekki svo með okkur öll sem hafa valið að „leggjast í útlegð“ að Ísland er fastur punktur í tilverunni, sem helzt ekki má breytast og aldrei hverfa með öllu. Ég veit ekki hvort það er þjóðarrembingur, ef það er álitið vera það verður bara að hafa það. Einhverskonar naflastrengur er það sennilega. Beztu kveðjur til Parísar (við hjónin ætlum að skreppa þangað í vor).
Björn Jónsson
Jú, naflastrengur gæti þetta verið. Hafðu endilega samband í vor! Kveðja, Kristín.