rigning

Það rignir svo harkalega núna, að ef þetta stendur lengi yfir verða áreiðanlega flóð í kjöllurum hér í nágrenninu. Það er niðamyrkur og manni er einhvern veginn ekki rótt, þetta er svo mikið vatsfall. Gott að vita að bíllinn verður þá þveginn.

Annars langaði mig að rabba um pistilinn hans Óskar Jónassonar í Lesbókinni síðustu. Óskar segir frá því þegar hann gekk óvart inn í kvennaklefann í Neslauginni, á leið með dóttur sína á sundnámskeið. Næstum því. Nokkur skref. Hann fór að pæla í því hvað það er merkilegt að svona nokkuð gerir fólk ekki. Fólk hendir rusli úti á götu og brýtur umferðarlögin og ýmislegt. En karlmaður FER EKKI Í KVENNAKLEFANN Í SUNDI! Og kona ekki í karlaklefann.

Hvers vegna samþykkjum við svona kynjareglur sem lög, en brjótum svo umferðarreglurnar sem vernda okkur?

Reyndar man ég eftir drengjum að kíkja á okkur stelpurnar í sturtu í leikfimi í Valsheimilinu í denn. En þeir migu á sig þegar þeir voru teknir í gegn af húsverðinum. Og eru áreiðanlega núna duglegir að passa sig á að fara ekki of nálægt kvennaklefum almennt.

Jæja, ég verð að hætta, það eru hvílíkar þrumur og eldingar, að ég þori ekki öðru en að slökkva á tölvunni, sísímatengdri. Svo eru börnin líka vöknuð við lætin og best að hugga þau.

Lifið í friði.

2 Responses to “rigning”


  1. 1 dísa drusla 18 Ágú, 2004 kl. 6:19 e.h.

    það er meiri rigning og meiri þrumur og eldingar hjá mér

  2. 2 Af efstu svölum 20 Ágú, 2004 kl. 1:38 f.h.

    …og hjá okkur er allt heiðskírt og himinfjólu-blátt … Fasteignasalinn hleypur – uppnuminn – um þakið og tekur myndir af fjöllum, himni, húsum, hafi, himni, kirkjum, Perlu og fleiri fjöllum. Hitabylgjan með útlandamistrinu er horfin en sólskinið og blíðan halda áfram einsog ekkert sé sjálfsagðara í Reykjavík!
    xxx-H


Færðu inn athugasemd

Skráðu umbeðnar upplýsingar að neðan eða smelltu á smámynd til að skrá þig inn:

WordPress.com Logo

You are commenting using your WordPress.com account. Log Out /  Breyta )

Google photo

You are commenting using your Google account. Log Out /  Breyta )

Twitter picture

You are commenting using your Twitter account. Log Out /  Breyta )

Facebook photo

You are commenting using your Facebook account. Log Out /  Breyta )

Tengist við %s





%d bloggurum líkar þetta: