Það er opið í Nauthólsvík á nýjársdag kl. 11-13. Ég stefni á að mæta.
Ég stefni líka á að mæta á mótmælafund á morgun kl. 13.30.
Svo er ég að upplifa sömu tilfinningu og svo oft áður, svíkjandi alla hægri vinstri hliðar snú. Og allt fólk sem mig langar ferlega mikið til að hitta. Það er að hluta til vegna þess að ég hef hengslast áfram með hálsbólgu og verið með fest boð á hverju einasta kvöldi síðan á annan í jólum. Í dag var stefnan að henda fjölskyldunni í bílinn og fara á nokkra staði en þá er Kári orðinn lasinn, hitavella og almenn vanlíðan. Sjálf er ég örþreytt þó ég hafi sofið í 9 tíma í nótt. Ég set það á reikning lægðarinnar. Kampavín í kvöld og á morgun ætti að duga til að hressa mig við, hvað þá sjóbaðið á fimmtudag.
Þið sem eruð að bíða eftir að fá að hitta mig þurfið eiginlega að pína mig með því að bjóða fram ákveðna daga og tímasetningar, ég er frekar þekkt fyrir að virða stefnumót og standa við fyrirfram ákveðin plön (þó að ég hafi strikað þorláksmessuboð Nönnu glæsilega úr huga mér) um leið og ég virðist óhæf til að taka af skarið þessa dagana.
Lifið í friði.
Parísardaman 
Ég kem með í sjóinn. Útíferð er 11.20. Mundu eftir sundhettunni
æ, leitt að heyra af lasleika, vona að rjátlist af ykkur sem fyrst. Hjálmar mætir í sundið, ef ég þekki hann rétt.
Frábært Gísli, þetta líkar mér.
Nú vantar kvenfólk í liðið, kynjajafnrétti hlýtur að vera aðalmálið 2009!
best ég lofi engu…
ho ho, komdu bara!
nú er klukkan rúmlega fjögur og lítið lát á partíi heima hjá mér. Sé til… 😛
úps ég virðist ekki þekkja Hjálmar rétt.. *roðn*
Gleðilegt ár kæra Parísardama!
æi rigningin buldi á súðinni þegar ég vaknaði loksins í dag og ég nennti ómögulega í sjóinn í rigningunni…
Mér finnst þeir sem fara galvaskir í sjóinn á þessum árstíma á þessu góða landi bara vera hetjur. Ég er ekki frá því að hægt gæti verið að mana mig upp í slíkt við réttar aðstæður. Maður veit aldrei. Ég ætla að leyfa mér að setja tengil á þig kæra Parísardama svo fremi þú hafir ekki uppi hávær mótmæli. Ég les þig orðið nokkuð reglulega. Gleðilegt nýtt ár.
Það var léleg mæting, bara ég, systir mín, Gísli Málbein og einhverjir tugir manna og kvenna. Rigningin var góð á andlitinu ofan í heita pottinum sem Anna Kristjáns hafði fyllt í fyrir okkur fyrr um morguninn.
Öllum er velkomið að setja tengil á mig Ella, ég skal tengja á þig líka bráðum. Falleg húsgögnin þín og dótið…
Hvernig er Ísland eftir hrunið – svona séð ‘utanfrá’?
Það verður eitthað gert upp fljótlega… reyndar ekki allt prenthæft…
Er hér svo seint því ég hef ekki verið í mikilli nálægð við tölvu vegna fjölskyldumálaferðalaga undanfarið. Þakka þér jákvæða umsögn en hún kemur mér reyndar ekki svo mjög á óvart vegna þess að ég var búin að átta mig á að við höfum stundum svipaðar skoðanir á hlutum/efnishyggju ef þú skilur hvað ég á við. Kveðja úr norðlenskum hlýindum (10 stiga hiti á Akureyri í dag!).