Það virðist vera alveg sama hvað ég les þetta oft, það kviknar ekki ljós. Ég er stórefins um þetta allt saman. Hef þrjár og hálfa klukkustund núna til að sjá hvort ekki gerist eitthvað.
Svo þyrfti ég að fara að huga að jólagjöfum, það vantaði alveg inn í tímastjórnunaráætlunarplanið í gær. Þær örfáu gjafir sem þurfa að fara til Íslands, þurfa að fara snemma, helst um næstu helgi, því þá hitti ég hóp ferðalanga sem ég tek í stutta ferð. Vantaði það ekki líka inn í gær? Þau eru alla vega svo elskuleg að vilja taka pakka fyrir mig heim. En ég þarf þá að kaupa eitthvað í pakkann, ljóst að ekki verður sest niður og föndrað, frekar en fyrri daginn. Ég er alltaf að segja þetta, en mér finnst einhvern veginn eins og ég þyrfti að vera með bötler, stofustúlku og eldabusku. Er það til of mikils mælst?
Lifið í friði.
Parísardaman 
Víst ertu, daman Kristín, klár,
ef klukkustundirnar nýtir þrjár
þá finnurðu í hverju átt að vera
því annað hefurðu fátt að gera.
Nei – auðvitað ekki. Að minnsta kostin einhvern til að elda og þrífa. Það er alveg lágmark.
Ég var búin að segja þér að það er ekkert pláss fyrir þau í íbúðinni hjá þér.
Þegar ég les um yfirgengilegt annríki annarra finnst mér ég ekki nógu dugleg kona.
Þið étið ekki nógu mikið lambakét.
If people are stuck with research essay accomplishing, hence I will propose to buy an essay uk from some professional custom writing service in such case.