Ég er að lesa mér til um Omega-3, út af söludæminu sem ég hef talað um og sem ég ætla að taka að mér. Skjótið mig bara ef þið viljið, ég verð að fara að vinna mér inn pening og ekki ætla ég að fara að grotna í einhverju drulludjobbi, takk fyrir samt. Kannski er allt sem skrifað er um Omega-3 fitusýrurnar bara sölumennska og lygi, en ég er alla vega sannfærð í bili. Ég hef reyndar alltaf tekið lýsi. Ekki endilega reglulega á hverjum degi. Frekar svona slurkað í mig úr flösku þegar löngunin hefur gripið mig og hellt þá ofan í börnin í leiðinni. Ég passa reyndar líka upp á að borða síld og lax, því ég veit að þar eru líka þessi efni sem gera mann gáfaðan, sem ég veit núna að heita Omega-3. Ég veit ekki af hverju, en ég hef alltaf verið sannfærð um þetta, að fiskur geri mann gáfaðan. Og nú virðast læknar og efnafræðingar stíga fram um allan heim og staðfesta þetta með rannsóknum. Það er kannski tengt því að ógrynni af alls konar Omega-3 bætiefnum eru til sölu á netinu, en, ég ætla alla vega að halda í þessa sannfæringu mína, sem mér var innleidd í æsku, þar til annað kemur í ljós. Og ég er líka sannfærð um að lýsi geti hjálpað börnum sem eiga við hegðunarvandamál að stríða. Sjá frétt á RÚV í dag!
Ég ætla líka að vera með SagaPro til sölu. Þeir segja að SagaPro hjálpi börnum sem eiga við pissuvandamál á næturnar að stríða. Er einhver með reynslusögu af því?
Þetta er alls ekki söluherferðarpistill, markhópurinn minn er franskur. Ég lofa ykkur því að ég mun ekki breytast í Omega-3 bloggara, ég bara þurfti aðeins að koma þessu út eftir allan lesturinn.
Annars sé ég að ég var eitthvað að tala um að það glitti í vor hérna. Það var húmbúkk. Í gær snjóaði allan morguninn, í dag rignir slyddu og það er ennþá ískalt. Ég er þó í nógu góðum gír til að átta mig strax á því að svona er þetta á hverju ári. Ég fyllist voróþreyju of snemma og verð pirruð. Maðurinn minn þurfti að minna mig á þetta fyrir ári síðan, en nú áttaði ég mig á þessu alveg sjálf. Hver veit, á næsta ári verð ég kannski bara alveg saliróleg?
Lifið í friði.
Parísardaman 
Hellum lýsi í alla fýlupúkana.
Gangi þér vel í Omeganu!
Ella, heldurðu að ég, og íslenskt lýsi, breytum kannski staðalmyndinni af fúla þjóninum í París? Það væri nú eiginlega synd og skömm:) Takk takk, Frú Sigurbjörg!
Gangi þér vel!
Lýst vel á þetta hjá þér.
Hvönnin frá Saga Medica Pro – er algerlega frábær – og styrkir ónæmiskerfið mjög. Sagt var að Danir hefðu sloppið einna best frá Spænsku veikinni – en þeir notuðu Hvönn mikið.
Og franskar konur eru svo miklar ,,skvísur“ en framleiðsla Saga Medica á Penzim – ekki til betra hrukkukrekm. – Kíktu á það.
Gangi þér vel í ríki Franka.
Vona að það muni reynast rétt hjá þér , að þú munir ekki breyta þínu ágætta bloggi í söluherferð fyrir fæðubótarefni. Alltof oft sem góðir bloggarar falla í þá gryfju að fara bara að blogga um sína nýjustu ,,frelsun,, sem er eitthvað sem tekur bara völdinn af þeim í bloggi.
Þannig segi ég bara áfram ! áfram ! gott blogg frá Parísardömu um allt milli himins og jarðar.
Þú hefur valið þær vörur sem þú ætlar að selja af kostgæfni. Tek undir með skrifara hér að ofan með Penzim hrukkukremið.
Ætlarðu að selja lýsi á götum Parísar?
Eða hella því í þjónana? Spennandi. Myndi vilja vera fluga á vegg.
Ég verð eins og litla stúlkan með eldspýturnar, bara með lýsi… nei, þetta verður samt einhvers konar multi-level-marketing. Ég sel fólki sem selur fólki… en ekki pýramídadæmi þar sem sá neðsti græðir ekkert en vinnur alla vinnuna, lofa því.
penzímið er líka besti áburður við vespubiti í heimi. Samt leiðinlegt að hafa það á, þar sem það sígur ekkert inn í húðina, allt í lagi á bitstaði en hvernig fer fólk að því að nota það sem hrukkukrem?
Ég set penzím stundum á andlitið á mér, gott á bólur og svona. Það fer alveg inn í húðina með smá nuddi. Ég er með gelið.
Ómegasýrur verða taldar baneitraðar eftir tíu ár. Hins vegar er d-vítamín vanmetinn andskoti. Ég hef étið þrefaldan dagskammt til viðbótar við þrjár matskeiðar af lýsi daglega yfir vetrarmánuðina síðustu ár og hef sjaldan verið jafnofvirkur og spólgraður.
Svo finnst mér penzim arfaslæmt vörumerki. Það minnir á sleipiefni.
Sem er arfaslæmt??
Haha! Ég hef aldrei hugsað út í þennan vinkil á pen-inu í penzíminu. D-vítamín er lífsnauðsynlegt, en varast skal ofskammta, ég skrifaði einhvern tímann ritgerð um eituráhrif þess og get sagt þér að ofksömmtun þýðir hægur og sársaukafullur dauðdagi. En kannski er þrefaldur dagsskammtur í lagi, fyrir „sumt fólk“.
Gott er að drekka einn líter á dag af bláberjasafa frá berry company. Þá veikist maður sjaldnar . egg,,,vikulega— matskeið af haframjöli og teskeið af hveitklíði á hverjum morgni.og fl.
uss, ég held einmitt að ómegasýrur séu vanmetnar. Prófa þetta með að nudda, gæti virkað – en reyndar er ég nánast varla með hrukkur þrátt fyrir mín nærri 46 ár 😉
Penzím er meira enzymetengt en penis-ikkvatengt í mínum huga, svo…
Arfaslæmt, alveg hreint. Sleipiefni eru til margra hluta nytsamleg. Ekki endilega bara á getnaðarlimi.