af jafngildi misgildra tippa/typpa og brúninni ógurlegu

Ég er mjög sátt við athyglina sem karlfjórflokkakerfið mitt fékk, en pínu svekkt út í að enginn dáist að Jesú-vísuninni. Ég var nefnilega dálítið stolt af henni, finnst hún svona um það bil þrjúþúsund sinnum meira spennandi en vísun KB með VAXI-nafninu Vá, kerfið fjallar um vöxt og heitir vaxi, jeij.

Í athugasemdum kom fram skemmtilegur brandari sem ég og vinkona sem vorum fastar í stafsetningarpælingunni tippi vs. typpi, misskildum alllengi. Tippi og typpi eru sumsé jafngild, en samt er það eðli tippa og typpa að vera misgild.

Það stefnir í hörkuvinnu hjá mér. Skrifa ritgerðina, fá til baka og laga bókmenntaþýðinguna áður en skila, læra á trados og gera tvö verkefni, læra fyrir prófið og mæta í það 16. desember.
Eftir það byrja ég að jólast á fullu, þó ég hafi reyndar sett upp aðventustjakann í gær og Kári farið hamförum í að raða upp öllu jóladótinu úr kössunum. Ég vil taka nokkra daga í það, gera í smáskömmtum. Og við erum reyndar ekki heldur sammála um röðunaraðferðir, hann vill helst jafna við brún, meðan ég vil heldur hafa dótið aðeins innar. Ég gat útskýrt fyrir honum að það væri hentugra fyrir hann, annars gæti hann ekkert leikið með geislasverðin allan desember. Það dugði. Af hverju má annars ekki raða hlutunum svona fram á brún á hillum? Varla kemur það frá geislasverðaleikjum barna? Hvers vegna truflar það svona jafnvægisskynið í mér, en ekki í honum?

Lifið í friði.

6 Responses to “af jafngildi misgildra tippa/typpa og brúninni ógurlegu”


  1. 1 Eyja 29 Nóv, 2010 kl. 8:47 f.h.

    Ég var ofboðslega impóneruð yfir Jesúvísuninni en gleymdi að taka það fram. Vil láta bóka þetta. Og brandarinn var bara útúrsnúningur, fullur af rökvillum. Piff.

    Mig langar í geislasverð, ekki leikfanga- heldur alvöru-.

  2. 2 moi 29 Nóv, 2010 kl. 9:19 f.h.

    Já, mig langar líka í alvöru geislasverð. Og ég veit m.a.s. hvernig ég myndi nota það. Tippabrandarann þori ég ekki að tjá mig um, ég las þetta kannski ekki nógu nákvæmlega.

  3. 3 ella 29 Nóv, 2010 kl. 1:12 e.h.

    Ég tók eftir tilvísuninni en láðist að hrósa þér, mér þykir það leitt 😦

  4. 4 ella 29 Nóv, 2010 kl. 1:14 e.h.

    Gæti skýringin verið að annað ykkar hafi upplifað jarðskjálfta?

  5. 5 moi 29 Nóv, 2010 kl. 2:47 e.h.

    Hehe, nei, þetta hefur eitthvað með viðkvæmt fegurðarskyn mitt að gera, frekar en hræðslu við jarðskjálfta hér í Copavogure;)

  6. 6 Alli 8 Des, 2010 kl. 12:46 e.h.

    Tippi er röng stafsetning. Typpi er rétt stafsetning, komið af „toppur“ svo verður hljóðvarp o-y. Fjallaröðin Upptyppingar rétt hjá Herðubreið er t.d. typptur fjallgarður, þ.e. með mörgum toppum.


Færðu inn athugasemd

Skráðu umbeðnar upplýsingar að neðan eða smelltu á smámynd til að skrá þig inn:

WordPress.com Logo

You are commenting using your WordPress.com account. Log Out /  Breyta )

Google photo

You are commenting using your Google account. Log Out /  Breyta )

Twitter picture

You are commenting using your Twitter account. Log Out /  Breyta )

Facebook photo

You are commenting using your Facebook account. Log Out /  Breyta )

Tengist við %s





%d bloggurum líkar þetta: